Без вода денеска населено место во скопско. ЈП Водовод и канализација известува дека денеска со прекин на водоснабдувањето ќе бидат дел од корисниците на општина Сопиште. Како што информираат од таму, поради уличен дефект на водоводна мрежа на улицата „1“ во населено место Ракотинци, прекинато водоснабдување ќе имаат корисниците на дел од Ракотинци. Водоснабдувањето ќе биде прекинато од 10:45 часот до завршување со санација на дефектот.